काठमाडौं, माघ २७ । रामेछापमा बस दुर्घटना हुँदा १० जनाको मृत्यु भएको छ।
मंगलबार बिहान मन्थली नगरपालिका-६ त्रिवेणी घाटस्थित तामाकोशी नदीमा खसेको बस दुर्घटनामा ज्यान गुमाउनेको संख्या १० पुगेको प्रहरीले जनाएको छ ।
एक जना अचेत अवस्थामा फेला परेका छन् । आठ जना गम्भीर घाइते छन् र तीमध्ये ३ जनालाई धुलिखेल अस्पताल पुर्याइएको छ।
प्रदेश ३–०१–००५ ख ९९७५ नम्बरको बस आज मन्थली नगरपालिका-६ त्रिवेणी घाटस्थित तामाकोशी नदीमा खसेको थियो। घटनास्थलमा जिल्ला प्रहरी कार्यालय रामेछाप, सशस्त्र प्रहरी बल गुल्म रामेछाप र विपद् व्यवस्थापन बेस खुर्कोटबाट उद्धार टोली परिचालन भएको थियो।
दुर्घटनाको कारण खुलेको छैन।
Published Date: 10 February 2026
