काठमाडौँ, भदौ २७ । स्थानिय बजारमा सुनको मूल्यले नयाँ रेकर्ड कायम गरेको छ । शुक्रबारको कारोबारमा मूल्य बढेसँगै सुनको भाउ किर्तिमानी उचाईमा पुगेको हो ।
नेपाल सुनचाँदी व्यवसायी महासंघका अनुसार आज सुनको मूल्य १६ सय रुपैयाँले बढेको छ । यो वृद्धिसँगै सुनको कारोबार प्रतितोला २ लाख १५ हजार ८ सय रुपैयाँमा भईरहेको छ ।
यसअघिको सुनको उच्च भाउ प्रतितोला २ लाख १४ हजार ७ सय थियो । अघिल्लो दिन भने सुनको मूल्य प्रतितोला २ लाख १४ हजार २ सय रुपैयाँमा कारोबार भएको थियो ।
यस्तै आज चाँदीको मूल्य पनि बढेको छ । चाँदी आज ६० रुपैयाँले बढ्दै प्रतितोला २ हजार ५६५ रुपैयाँमा कारोबार भईरहेको छ ।
Published Date: 12 September 2025
