काठमाडौँ, साउन १८ । सेयर कारोबारका लागि अब राष्ट्रिय परिचयपत्र अनिवार्य रुपमा चाहिने भएको छ ।
ब्रोकर कम्पनीमार्फत खोलिने खाताका लागि राष्ट्रिय परिचयपत्र अनिवार्य गरिएको हो ।
नेपाल धितोपत्र बोर्डले ग्राहक पहिचान (केवाईसी)लाई राष्ट्रिय परिचयपत्रसँग आवद्ध गर्न निर्देशन दिएको छ । निर्देशन अनुसार नेपाल स्टक एक्स्चेन्जले सम्पूर्ण कारोबार सदस्यमार्फत नयाँ कारोबार खाता खोल्दा राष्ट्रिय परिचयपत्र वा परिचयपत्र नम्बर लिने व्यवस्था गर्न भनेको छ ।
ग्राहकले राष्ट्रिय परिचयपत्र नम्बरका आधारमा केवाईसी विवरण भर्नु पर्नेछ । हालसम्म नागरिकता तथा नागरिकता नम्बरका आधारमा केवाईसी फारम भर्न मिल्ने व्वयवस्था थियो ।
यसअघि नै कारोबार खाता खोली कारोबार व्यवस्थापन प्रणाली (टीएमएस) प्रयोग गरिरहेकालाई पनि राष्ट्रिय परिचयपत्र नम्बर उपलब्ध गराउने गरी काम गर्न नेप्सेले आग्रह गरेको छ ।
