काठमाडौं, असार ३ । मंगलबार नेप्से परिसूचक सामान्य गिरावट आउँदा कारोबार रकममा पनि सुस्तता देखिएको छ । आज नेप्से सूचक ३.९० विन्दुले घटेर २६५४.७५ अंकमा आएको छ ।
आज ७ अर्ब ६५ करोड बढीको सेयर कारोबार भएको छ । एउटा कम्पनी सकारात्मक सर्किट लेबलमा कारोबार भएको छ ।
आज ३ सय ६ कम्पनीको १ करोड ६४ लाखभन्दा बढी कित्ता सेयर कारोबार भएको छ । ७४ करोड रुपैयाभन्दा बढीसहित कारोबार रकममा सानिमा माई हाइड्रोपावर अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः बुटवल पावर कम्पनी र ङादी ग्रुप पावर परेका छन् ।
Published Date: 17 June 2025
