काठमाडौं, असार १ । आइतबार नेप्से परिसूचक २.१३ विन्दुले बढेर २६५७.५२ अंकमा आएको छ ।
आज ११ अर्ब ४४ करोड रुपैयाँभन्दा बढीको कारोबार भएको छ । ३ वटा कम्पनी सकारात्मक सर्किट लेबलमा कारोबार भएका छन् । उत्पादनमूलक समूहमा बढी तेजी देखिएको छ । यस समूहका कतिपय कम्पनीहरुको सेयर कारोबार बढेको छ भने मूल्यमा पनि सुधार भएको देखिन्छ । त्यसो त यो समूह निकै लामो समयदेखि बढ्न सकेको थिएन ।
आज ३ सय ८ कम्पनीको २ करोड ५३ लाखभन्दा बढी कित्ता सेयर कारोबार भएको छ । ८९ करोड रुपैयाभन्दा बढीसहित कारोबार रकममा सानिमा माई हाइड्रोपावर अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः ङादी ग्रुप पावर र बुटवल पावर कम्पनी परेका छन् ।
