च्याटजीपीटीमा समस्या, विश्वभरका धेरै प्रयोगकर्ताहरू प्रभावित

काठमाडौँ, जेठ २७ । आज मंगलबार बिहानदेखि च्याटजीपीटीमा समस्या देखिएको छ । यस प्रति प्रयोगकर्ताहरूले गुनासो गरेका छन् । विश्वभरका धेरै प्रयोगकर्ताहरू च्याटजीपीटीले स्लो रेस्पोन्स गरेको र नचलेको गुनासो गरेका छन् ।

धेरै प्रयोगकर्ताहरुले सामाजिक सञ्जालबाटै च्याटजीपीटी प्रयोग गर्न नपाएको गुनासो गरिरहेका छन् । धेरै प्रयोगकर्ता भने आफ्नो नेटवर्कमा समस्या आएको अन्योलमा रहेका थिए । ओपन एआईले भने यो समस्याका बारेमा अध्ययन भइरहेको जनाएको छ । कम्पनीले भनेको छ, ‘केही प्रयोगकर्ताहरूलाई सेवा ढिलो र त्रुटिको समस्या भोगिरहेका छन् । हामी यसको जाँच गरिरहेका छौं।’