काठमाडौं, फागुन ३ । १४ औं संस्करणको पुरुष साफ च्याम्पियनसिप फुटबल प्रतियोगिता भारतमा आयोजना हुने भएको छ ।दक्षिण एसियाली फुटबल महासंघ (साफ) को मंगलबार बसेको कार्यकारी समितिको बैठकले साफ च्याम्पियनसिप २०२३ भारतमा गर्ने निर्णय गरेको हो ।
मिति र स्थान (रंगशाला) भने पछि तय गर्ने पनि निर्णय गरिएको छ । साफले मार्च १० सम्ममा प्रतियोगिता आयोजनास्थल तय गर्ने छ ।
यस संस्करणको साफ च्याम्पियनसिपमा ७ राष्ट्रले सहभागिता जनाउदै छन् ।
माल्दिभ्समा आयोजना भएको १३ औं साफ च्याम्पियनसिपको नेपाल उपाधि भिडन्तमा भारतसँग ३-० ले पराजितहुदैँ उपविजेता भएको थियो ।
