काठमाडौँ, जेठ ९ । घरेलु बजारमा आज सुनको मूल्य घटेको छ ।
अघिल्लो दिन १७ सय रुपैयाँले बढेको सुनको मूल्य आज भने घटेको हो । शुक्रबार सुनको कारोबार प्रतितोला १ लाख ९० हजार ४ सय रुपैयाँमा भईरहेको नेपाल सुनचाँदी व्यवसायी महासंघले जनाएको छ । यो मूल्य अघिल्लो दिनको तुलानामा ११ सयले कम हो ।
बिहिबार सुनको मूल्य प्रतितोला १ लाख ९१ हजार ५ सय रुपैयाँमा कारोबार भएको थियो । आज चाँदीको मूल्य समेत घटेको छ । चाँदी २० रुपैयाँले घट्दै प्रतितोला २ हजार ५ रुपैयाँ कायम भएको छ ।
