काठमाडौं, फागुन १ । यातायात मजदुरले फागुन २ गते मङ्गलवारदेखि काठमाडौँ उपत्यकाभित्र सम्पूर्ण यातायात नचलाउने विज्ञप्ति मार्फत घोषणा गरेका छन् ।
सोमबार यातायात मजदुरहरूले विज्ञप्ति जारी गर्दै उपत्यकामा मङ्गलवार बाट सम्पूर्ण सवारीसाधन बन्द गर्ने घोषणा गरेका हुन् । नेपाल यातायात स्वतन्त्र मजदुर सङ्गठनका अध्यक्ष भीमज्वाला राईले नयाँ बसपार्कको ठेकेदार ल्होत्से कम्पनीले गुण्डागर्दी गरेको भन्दै मजदुरहरू सडकमा उत्रिएको बताए । सोमबार उनीहरुले बालाजु क्षेत्रमा सडकमै गाडी तेर्स्याएर बिरोध प्रदर्शन गरेका छन् ।
