काठमाडौं, वैशाख ८ । सुनको भाउले आज नयाँ रेकर्ड कायम गरेको छ । नेपाल सुन–चाँदी व्यवसायी महासंघका अनुसार सोमबार (वैशाख ८ गते) छापावाल सुन प्रतितोला १२ सय रुपैयाँले बढेर १ लाख ९१ हजार रुपैयाँ कायम भएको छ ।
यसअघि वैशाख ४ गते सुनको मूल्यमा रेकर्ड कायम भएको थियो । सो दिन छापावाल सुनको भाउ प्रतितोला १ लाख ९० हजार ६०० रुपैयाँ कायम भएको थियो । यसअघि आइतबार छापावाल सुनको भाउ प्रतितोला १ लाख ८९ हजार ८०० रुपैयाँ कायम रहेको थियो ।
