काठमाडौं, चैत ३ । आइतबार नेप्से परिसूचक २१.६३ विन्दुले घटेर २७१४.८५ अंकमा आएर अडिएको छ ।
आज ६ अर्ब ८३ करोड रुपैयाँभन्दा बढीको सेयर कारोबार भएको छ । ट्रेडिङबाहेक बाँकी सबै समूहका सूचक घटेका छन् । यसअघि इन्ट्रा डे कारोबारमा २९ सयभन्दा माथि पुगेको बजार आइतबार घटेर इन्ट्रा डे मै २८ सयमुनि अर्थात २७ सयको लेबलसम्म झर्यो ।
आज ३ सय १६ कम्पनीको १ करोड ३९ लाखभन्दा बढी कित्ता सेयर कारोबार भएको छ । ५८ करोड ६६ लाख रुपैयाँभन्दा बढीसहित कारोबार रकममा हिमालयन रिइन्सुरेन्स अग्रस्थानमा रहेको छ । यसैगरी, दोस्रो र तेस्रो स्थानमा क्रमशः महालक्ष्मी विकास बैंक र घलेम्दी हाइड्रोपावर परेका छन् ।