काठमाडौँ, फागुन १३ । शाहरुख खान, माधुरी दीक्षित र करिश्मा कपूरको सुपरहिट फिल्म ‘दिल तो पागल है’ पुन: प्रदर्शन हुने भएको छ । यो फिल्म सन् १९९७ मा रिलिज भएको थियो । पहिलो रिलिजको २६ वर्षपछि अब यो फिल्म आगामी शुक्रबारदेखि पुन: भारतीय सिनेमा हलमा प्रदर्शन हुँदैछ ।
यशराज फिल्म्सले फिल्मको पुन: रिलिजको घोषणा गर्दै सामाजिक सञ्जालमा उल्लेख गरेको छ, ‘प्रेम, रोमान्सको युग फेरि फर्कँदैछ ।’ फिल्मको पुन: रिलिजको मिति सार्वजनिक भएपछि शाहरुखका प्रशंसकहरूले सकारात्मक प्रतिक्रिया दिएका छन् ।
यो फिल्मको कथा र गीतबारे आजसम्म पनि चर्चा भइरहने गर्छ । यो फिल्मलाई यश चोपडाले निर्देशन गरेका थिए । त्यतिबेला बक्स अफिसमा निकै राम्रो व्यापार गरेको थियो ।
यो खबर पढेर तपाईलाई कस्तो महसुस भयो ?
+1
+1
+1
1
+1
+1
