काठमाडौँ, फागुन ११ । अन्तराष्ट्रिय बजारमा कच्चा तेलको मूल्य करिब ३ प्रतिशतले घटेको छ । मध्यपूर्वमा रिस्क प्रिमियमको जोखिम कम भएसँगै र युक्रेनमा सम्भावित शान्ति सम्झौताको अनिश्चितताका कारण अन्तराष्ट्रिय बजारमा कच्चा तेलको मूल्यमा गिरावट आएको हो ।
पछिल्लो कारोबारमा डब्लूटीआई क्रुडको मूल्य २.८७ प्रतिशत अर्थात २.०८ डलरले घटेको छ । यो गिरावटसँगै डब्लूटीआई क्रुडको मूल्य प्रतिब्यारेल ७०.४० डलर कायम भएको छ ।
यस्तै ब्रेन्ट क्रुडको मूल्य पनि २.६८ प्रतिशत अर्थात २.०५ डलरले घटेको छ । अहिले अन्तराष्ट्रिय बजारमा ब्रेन्ट क्रुडको मूल्य प्रतिब्यारेल ७४.४३ डलरमा कारोबार भईरहेको छ ।
गाजामा भएको युद्धविरामका कारण तुलनात्मक रुपमा मध्यपूर्व शान्त बनेका कारण बजारमा जोखिम कम भएको छ । जसको प्रभाव तेलको मूल्यमा परेको विश्लेषकहरुले बताएका छन् ।
