काठमाडौं, फागुन ८ । नेप्से परिसूचक बिहीबार ३.१४ विन्दुले बढेको छ । यससँगै सूचक २७४३.७४ अंकमा आएको छ । नेप्से लगातार चौथो दिन बढेको हो । ८ अर्ब ६२ करोड रुपैयाँभन्दा बढीको सेयर कारोबार भएको छ ।
एउटा कम्पनी सकारात्मक सर्किट लेबलमा कारोबार भएको छ । ४ वटा समूहका सूचक बढेका छन् । ट्रेडिङ र जीवन बिमा समूहमा बढी वृद्धि भएको छ ।
आज ३०९ कम्पनीको १ करोड ५६ लाखभन्दा बढी कित्ता सेयर कारोबार भएको छ । ६५ करोड ६६ लाख रुपैयाँभन्दा बढीसहित कारोबार रकममा नेपाल पुनर्बिमा कम्पनी अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः हिमालयन रिइन्सुरेन्स र सीइडीबी होल्डिङस रहेका छन् ।
