काठमाडौं, माघ २४ । बिहीबार नेप्से परिसूचक ११.६४ विन्दुले घटेर २६९९.८१ अंकमा अडिएको छ ।
आज ९ अर्ब २४ करोड रुपैयाँभन्दा बढीको सेयर कारोबार भएको छ । कारोबार रकम बढेको हो । समग्रमा कारोबार रकम राम्रो पनि रहेको छ । यस दिन फाइनान्स समूहको सूचकमात्र बढेको छ । एउटा कम्पनीमा सकारात्मक सर्किट लागेको छ ।
आज ३ सय १५ कम्पनीको १ करोड ८६ लाख ८० हजारभन्दा बढी कित्ता सेयर कारोबार भएको छ । ३१ करोड ३५ लाखभन्दा बढीसहित कारोबार रकममा साहस ऊर्जा लिमिटेड अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः नेपाल पुनर्बिमा कम्पनी र बरुण हाइड्रोपावर परेका छन् ।
Published Date: 06 February 2025
