काठमाडौं, माघ २९ । अर्जेन्टिनाका फरवार्ड लियोनल मेस्सी फिफा उत्कृष्ट पुरुष खेलाडीको अवार्डको छनोटमा परेका छन् । विश्व फुटबल महासंघ (फिफा) ले ‘फिफा द वेस्ट अवार्ड’को अन्तिम मनोनयनमा लियोनल मेस्सी सगै पेरिस सेन्ट जर्मेनका किलियन एमबाप्पे र रियल म्याड्रिडका स्ट्राइकर करिम बेन्जेमा शुक्रबार घोषणा गरेका थिए ।
लियोनल मेस्सीले गत वर्ष कतारमा भएको फाइनलमा एम्बाप्पेको फ्रान्सलाई पराजित गर्दै मेस्सीले अर्जेन्टिनालाई तेस्रो विश्वकपको उपाधि दिलाएपछि प्रतियोगितामा सात गोल गरेका र दोस्रो गोल्डेन बल जितेका थिए ।
विश्वकप गोल्डेन बुट विजेता एम्बाप्पे र फ्रान्सको २०२२ बालोन डी’ओर विजेता बेन्जेमा भने पहिलो पटक तीन फाइनलमा परेका छन्।
उत्कृष्ट महिलातर्फ भने इंग्ल्याण्डलाई युरो २०२२ को उपाधि दिलाएपछि फरवार्ड बेथ मीडलाई प्रतियोगिताको प्रमुख गोलकर्ता र प्रतियोगिताको उत्कृष्ट खेलाडीको रूपमा मनोनयन गरिएको छ। त्यसैगरी स्पेनकी मिडफिल्डर एलेक्सिया पुटेलासले घुँडाको चोटका कारण जुलाईदेखि बाहिरिए पनि लगातार दोस्रो वर्ष सर्वोत्कृष्ट महिला खेलाडीको अवार्ड मनोनयनमा परेका छन् । त्यसै सन् २०१९ मा फाइनल पुगेका संयुक्त राज्यका फरवार्ड एलेक्स मोर्गनको नाम पनि मनोनयन सूचीमा परेको छ ।
विजेताहरूको घोषणा फेब्रुअरी २७ मा पेरिसमा एक समारोहमा गरिनेछ।
