काठमाडौं, माघ २१ । सोमबार नेप्से परिसूचक २.४१ विन्दुले बढेर २७३० अंकमा आइपुगेको छ ।
आज ११ अर्ब ८७ करोड रुपैयाँभन्दा बढीको सेयर कारोबार भएको छ । ७ वटा समूहका सूचक बढेका छन् । २ कम्पनीमा सकारात्मक सर्किट लागेको छ । अघिल्लो दिन भारी अंकले वृद्धि भएको नेप्से सोमबार भने सामान्य बढेको हो।
आज ३ सय १९ कम्पनीको २ करोड ३७ लाखभन्दा बढी कित्ता सेयर कारोबार भएको छ । ३५ करोड ३० लाख रुपैयाँभन्दा बढीसहित कारोबार रकममा एनआरएन इन्फ्रास्टक्चर एन्ड डेभलपमेन्ट कम्पनी अग्रस्थानमा रहेको छ ।
यसैगरी, दोस्रो र तेस्रोमा क्रमशः सप्कोशी डेभलपमेन्ट बैंक र बरुण हाइड्रोपावर परेका छन् ।