इस्लामाबाद, माघ ११ । पाकिस्तानी प्रधानमन्त्री शेहबाज शरीफले आफ्नो देशले युवालाई विकसित प्राविधिक परिदृश्यमा फस्टाउनका लागि शिक्षाको परिवर्तनकारी शक्तिलाई मान्यता दिएको बताएका छन्।
“प्रविधिको द्रुत विकासमा नेभिगेट गर्न व्यक्ति र समुदायलाई सशक्त बनाउन शिक्षाले खेल्ने भूमिका गहिरो छ । कृत्रिम बुद्धिमत्ता (एआई) मा भएको प्रगतिले हाम्रो साझा मानवतालाई परिपूरक बनाउने कुरा सुनिश्चित गर्न आवश्यक छ,” सरिफले अन्तर्राष्ट्रिय दिवसको अवसरमा बताए ।
प्रधानमन्त्रीले भने“एआई–संचालित प्रणालीहरू बढ्दो रूपमा मानिसहरूको जीवनमा एकीकृत भइरहेकाले मानव हस्तक्षेप र मेशिन–संचालित कार्यहरू बीचको सीमाहरू धमिलो भइरहेको छ, जसले अवसर र चुनौती दुवै प्रस्तुत गर्दछ ।”
“देशले प्राविधिक परिवर्तनहरूसँग अनुकूलन गर्न उपकरणहरूसँग सुसज्जित गर्ने लक्ष्य राखेको छ । हामीले हाम्रा शैक्षिक संस्थाहरूलाई प्राविधिक प्रगतिहरू अँगाल्न तयार गर्न महत्त्वपूर्ण कदमहरू चालेका छौं र धेरै पहलहरू सुरु गरेका छौं ,” उनले बताए।
उनले भने, “बच्चाहरूलाई आवश्यक सीपहरू तयार गर्नको लागि देशभरका स्कूलहरू नवीनतम प्रविधिहरूले सुसज्जित छन् ।” रासस, सिन्ह्वा
