ल्हासा, पुस २३ । चीनको सिजाङ स्वायत्त क्षेत्रको डिङ्ग्री काउन्टीमा मङ्गलबार बिहान गएको ६.८ म्याग्निच्यूडको भूकम्पपछि सगरमाथा (माउन्ट कोमोलाङ्मा) मनोरम क्षेत्र अस्थायी रूपमा बन्द गरिएको र पर्यटक तथा कर्मचारी सुरक्षित अवस्थामा रहेको स्थानीय अधिकारीले बताएका छन् ।
डिङ्ग्री विश्वको सबैभन्दा अग्लो चुचुरोको आधार शिविर हो । क्षेत्रीय विपद् राहत मुख्यालयका अनुसार भूकम्पमा परी ५३ जनाको मृत्यु भएको र ६२ जना घाइते भएको पुष्टि भएको छ ।
रमणीय क्षेत्रमा रहेका होटल भवन र वरपरका क्षेत्र यथावत् रहेको र पर्यटक तथा कर्मचारी सुरक्षित रहेको डिङ्ग्री कल्चर एण्ड टुरिजम ब्युरोले जनाएको छ ।
डिङ्ग्रीस्थित चाइनिज एकेडेमी अफ साइन्सेजको वायुमण्डलीय र वातावरणीय अनुसन्धानका लागि कोमोलाङ्मा स्टेसनमा विद्युत् कटौती भइरहेको छ । यद्यपि, सुविधाहरू राम्रो अवस्थामा रहेका छन्।
चीन–नेपाल सीमामा अवस्थित सगरमाथा (माउन्ट कोमोलाङ्मा) ८,८४० मिटरभन्दा बढीको उचाईमा रहेको छ र यसको उत्तरी भाग सिजाङमा अवस्थित छ ।