काठमाडौं, पुस १२ । सेयर बजारमा घाटा व्यहोरेपछि ३१ वर्षीय युवकले आत्महत्या गरेका छन् ।
पटना, भारतका राहुल कुमार सिंहले बुधबार दानापुरको गोला रोडस्थित आफ्नै घरमा झुण्डिएर आत्महत्या गरेको टाइम्स अफ इन्डियाले जनाएको छ । परिवारले उनलाई पहिलो तलामा झुन्डिएको अवस्थामा फेला पारेका थिए ।
दानापुर प्रहरी स्टेशनका अधिकृत प्रशान्त कुमार भारद्वाजका अनुसार सिहंकी बहिनीले राहुल राति खाना खाएर सुत्न गएको बताइन् । ‘बिहान राहुल कोठामा नभेटिएपछि जाँच गर्दा उनी झुन्डिएको अवस्थामा भेटिए ।
उनका बुबाले केही दिनअघि उनको खातामा ६ लाख भारतीय रुपैयाँ राखेका थिए । राहुलले उक्त रकमलाई सेयर बजारमा लगाएका थिए । जसकारण बैंक खातामा पैसा देखिएन ।’ त्यहि भएर उनले आत्महत्या गरेको हुन सक्ने भारद्वाजले बताए ।
