काठमाडौँ, मंसिर १७ । आइतबार भएको उपनिर्वाचनको नतिजा आउने क्रम जारी छ ।
निर्वाचन आयोगका अनुसार ४१ स्थानमा सम्पन्न निर्वाचन मध्ये ३० स्थानको निर्वाचनको नतिजा आइसकेको छ भने बाँकी ११ पदको नतिजा आउन बाँकी छ ।
रिक्त रहेका स्थानीय तहका विभिन्न ४१ पदका लागि आइतबार निर्वाचन सम्पन्न भएको थियो । आयोगले नगरपालिका प्रमुख एक, उपप्रमुख एक, गाउँपालिका अध्यक्ष दुई, उपाध्यक्ष चार र वडाध्यक्ष ३३ पदका लागि उपनिर्वाचन सम्पन्न गरेको थियो ।
