मुम्बई, असोज २८ । भारतीय नेता बाबा सिद्दीकीको हत्यापछि बलिउडसमेत शोकमा डूबेको छ । बाबा सिद्दीकी बलिउड अभिनेता सलमान खान र संजय दत्तका परममित्र थिए ।
बाबा सिद्दीकीको हत्याको जिम्मावारी ग्याङ्स्टर लोरेन्स बिश्नोई समुहले लिएपछि सलमानको सुरक्षा पनि बढाइएको छ ।
बाबा सिद्दीकीको हत्याले सलमानलाई समेत गहिरो चोट लागेको छ । सलमान केहि दिन एक्लै बस्न चाहन्छन् । सलमानको परिवारले उनका फिल्म क्षेत्रका साथीहरु र नजिकका आफन्तलाई सलमानलाई भेट्न घरमा नआउनका लागि आग्रह गरेका छन् ।
लोरेन्स विश्नोईबाट लगातार दिईएको धम्किबीच सलमान खानले आफ्ना साथी बाबा सिद्दीकीको अन्तिम यात्रामा सहभागि हुन पुगेका थिए । त्यहि क्रममा उनको अनुहारमा दु:ख स्पष्ट देखिएको थियो ।
सलमानले आफ्ना सबै निजि भेटघाट र सम्पूर्ण कार्यक्रम पनि रद्द गरिदिएका छन् । बाबा सिद्दीकी सलमान खानको साथी मात्र नभएर परिवारको एक सदस्य जस्तै थिए ।
Published Date: 14 October 2024
