‘धूम’ को सिक्वेल ‘धूम–४’ मा रणबीर कपूर खलनायकको भूमिकामा देखिने

मुम्बई, असोज १७ । बलिउडको सुपरहिट फिल्म ‘धूम’ को सिक्वेल ‘धूम–४’ को ताजा अपडेट बाहिरिएको । यो फिल्मका लागि कथा लेखेका विजय कृष्ण आचार्य अर्थात भिक्टरले नै फिल्मलाई निर्देशन गर्ने भएका छन् ।

फिल्मको अर्को रमाइलो कुरा के छ भने यो फिल्ममा अभिनेता रणबीर कपूर भिलेनको भूमिकामा देखिने भएका छन् ।

त्यसो त फिल्म धूमका पछिल्ला तीन वटा सिक्वेलको कथा पनि विजयले नै लेखेका थिए भने एउटामा निर्देशन पनि गरेका थिए । त्यहि कारणले गर्दा पनि ‘धूम–४’ को कथा र निर्देशन दुवै विजयकै रहने भएको हो ।

रणबीर कपूरलाई खलनायकको भूमिकामा देखिने कुराले अहिले फ्यानहरुको उत्सुकता अझ बढेको छ ।