काठमाडौँ, असोज १० । युनिलिभर नेपालले प्रति कित्ता १७ सय १४ रुपैयाँ नगद लाभांश दिने भएको छ । बुधबार बसेको कम्पनीको सञ्चालक समिति १ सय ८५ औं बैठकले आर्थिक वर्ष २०८०/०८१ को लागि १७१४ प्रतिशत लाभांश दिने घोषणा गरेको हो । नेपालको शेयर बजारमा सबैभन्दा धेरै लाभांश दिने कम्पनी युनिलिभर नै हो ।
कम्पनीले १७१४ प्रतिशत नै नगद लाभांश दिन लागेको हो । लाभांश घोषणासँगै उक्त बैठकले वार्षिक साधारणसभा पनि बोलाएको छ । कार्तिक १२ गतेका लागि कम्पनीले साधारणसभा आह्वान गरेको हो ।
साधारणसभा प्रयोजनार्थ असोज २८ देखि कार्तिक १२ गतेसम्म कम्पनीले बुक क्लोज गर्ने निर्णय गरेको छ । नेप्सेको दोस्रो कारोबार बजारमा युनिलिभर सबैभन्दा महँगो कम्पनी हो । जसको एक कित्ता सेयरको मूल्य ५० हजार ३ सय ९८ रुपैयाँ ९० पैसा रहेको नेप्सेले जनाएको छ ।
Published Date: 26 September 2024
