काठमाडौँ, भदौ ३१ । काठमाडौंवासीले पुनः मेलम्चीको पानी उपभोग गर्न पाउनु भएका छन् । वर्खा लागेपछि तीन महिनाअघि बन्द गरिएको मेलम्चीको पानी वितरण गरिने कार्य पुनः सुचारु गर्न लागिएको हो ।
मेलम्ची खानेपानी विकास समितिले जनाए अनुसार मनसुन सक्रिय नभएको अवस्थामा आगामी असोज १० गतेदेखि काठमाडौंमा मेलम्चीको पानी वितरण गरिने छ ।
यसअघि बर्खा लागेपछि पानी धमिलिएको जनाउँदै गत असार १० गतेदेखि मेलम्चीबाट पानी ल्याउन बन्द गरिएको थियो ।
यसपटक मेलम्चीबाट दैनिक बीस करोड लिटर पानी ल्याउने तयारी गरिएको छ । काठमाडौं उपत्यकामा दैनिक ४७ करोड लिटर पानी उपयोग हुन्छ ।
Published Date: 16 September 2024
