सुनको भाउ लगातार दोस्रो दिन स्थिर

काठमाडौं, असार ५ । सुनको भाउ लगातार दोस्रो दिन स्थिर रहेको छ ।

नेपाल सुन–चाँदी व्यवसायी महासंघका अनुसार बुधबार छापावाल सुनको भाउ प्रतितोला १ लाख ४२ हजार २०० रुपैयाँ कायम रहेको छ । यसैगरी, तेजावी सुनको मूल्य तोलाको १ लाख ४१ हजार ५०० रुपैयाँ निर्धारण भएको छ । हिजो पनि यही भाउमा कारोबार भएको थियो ।

यता, आज चाँदीको भाउ भने तोलामा १० रुपैयाँले घटेर १८ सय ५ रुपैयाँ कायम भएको छ । मंगलबार चाँदीको भाउ प्रतितोला १८ सय १५ रुपैयाँ कायम रहेको थियो ।