सुनको भाउ स्थिर हुँदा चाँदीको मूल्य भने बढ्यो

काठमाडौं, असार ४ । मंगलबार सुनको भाउ स्थिर रहेको छ । नेपाल सुनचाँदी व्यवसायी महासंघका अनुसार मंगलबार छापावाल सुनको भाउ १ लाख ४२ हजार २०० रुपैयाँ कायम छ ।

यसैगरी, तेजावी सुनको मूल्य तोलाको १ लाख ४१ हजार ५०० रुपैयाँ कायम रहेको छ । सोमबार पनि सुन सोही मूल्यमा किनबेच भएको थियो ।

यता, मंगलबार चाँदीको भाउ भने तोलामा १५ रुपैयाँले बढेर १८ सय १५ रुपैयाँ कायम भएको छ । सोमबार चाँदीको भाउ प्रतितोला १८ सय रुपैयाँ कायम रहेको थियो ।