बुटवल, जेठ ३१ । पाल्पामा कार दुर्घटना हुँदा तीन जनाको दुखद निधन भएको छ । पाल्पाको नुवाकोट गढीबाट बुटवलतर्फ आउँदै गरेको लु २ च ८५३१ नम्बरको कार गए राति बुटबल–बेलवासस्थित भ्यू प्वाइन्टनजिक दुर्घटनामा परेको हो ।
दुर्घटनामा मृत्यु हुनेहरूमा बुटवल–१० बस्दै आएका कार चालक ५६ वर्षीय रामप्रसाद शर्मा (छविलाल), तिलोत्तमा–३ की ५७ वर्षीया आशा श्रेष्ठ र सोही ठाउँकी ५० वर्षीया भगवती श्रेष्ठ रहेको प्रहरीले जनाएको छ ।
Published Date: 13 June 2024
