ख्वप कलेजको समाजशास्त्रका विद्यार्थी साँखुमा

भक्तपुर, जेठ २५ । बदलिदो समयसँगै अध्ययन तथा सिकाइको क्षेत्र पनि फराकिलो बन्दै गएको छ । कक्षा कोठाको पढाइले मात्र विद्यार्थीहरुमा व्यवहारिक तथा सामाजिक बुझाइको स्तर विकास गर्न सकिदैन ।

विद्यार्थीका क्षमता विकासका लागी विभिन्न खालका कार्यक्षेत्र अध्ययनहरु आवश्यक हुने गर्दछन् । यसै क्रमा ख्वप कलेजमा समाजशास्त्र विषय लिई स्नातक तह प्रथम र दोस्रो वर्षमा अध्ययनरत विद्यार्थीहरुले शंखरापुर नगरपालिका वडा नं ६, र ७ का गएर हावापानी परिवर्तनले पार्ने असर, शहरीकरण, लैगिक भुमिकामा परिवर्तन, निर्णायक तहमा महिलाको सहभागीता, सरसफाइ तथा खानेपानीको अवस्था लगायत विषयमा सामाजिक सर्वेक्षण गरेका थिए ।

पढेको कुरालाई समाजमा गएर परिक्षण गर्ने सिक्ने बुझने अवसरको रुपमा कार्यक्षेत्र अध्ययन मानिन्छ ।