वीरगञ्ज, माघ १७ । अनुसन्धानमा रहेको व्यक्तिलाई छुटाइदिन्छु भनि प्रलोभन देखाइ ठगी गर्ने एक व्यक्ति पर्साबाट पक्राउ परेका छन् । अनुसन्धानमा रहेको व्यक्तिलाई छुटाइ दिन्छु भनी प्रलोभन देखाई ठगी गरेको अभियोगमा वीरगञ्ज महानगरपालिका–५ बस्ने ५२ वर्षीय धिरेन्द्र बहादुर श्रेष्ठ पक्राउ परेका हुन् ।
यातायात कार्यालय पर्सास्थित सडकबाट आइतबार दिउँसो खटिएको प्रहरीले उनलाई प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरीले उनलाई पक्राउ गरेको हो । उनी उपर सार्वजनिक हित, स्वास्थ्य, सुरक्षा, सुविधा र नैतिकता विरुद्दको कसूरमा थप अनुसन्धान भइरहेको पर्सा प्रहरीले जनाएको छ ।
