काठमाडौं, जेठ । बिहीबार (जेठ ३ गते) देखि ४ दिनसम्म काठमाडौंका विभिन्न स्थानमा विद्युत आपूर्ति अवरुद्ध हुने भएको छ ।
नेपाल विद्युत् प्राधिकरणका अनुसार प्राधिकरणको रत्नपार्क वितरण केन्द्र अन्तरगतका विद्युतीय लाइन भूमिगत गर्ने कार्यका लागि सम्बन्धित फिडर अन्तर्गतका विभिन्न स्थानमा बिहान ११ बजेदेखि साँझ ५ बजेसम्म विद्युत अवरुद्ध हुने भएको हो ।
प्राधिकरणका अनुसार नयाँ बजार फिडरमा जेठ ३ गते, नयाँ बजार र क्षेत्रपाटी फिडरमा ५ गते, भिमसेनस्थान फिडरमा ६ गते र भिमसेनस्थान र त्रिपुरेश्वर फिडरका स्थानमा जेठ ८ गते विद्युत अवरुद्ध हुनेछ ।
Published Date: 15 May 2024
