काठमाडौं, जेठ २ । अभिनेता पल शाह अचेल व्यस्त छन् । उनी अभिनित नयाँ फिल्म ‘पुजार सार्की’ को प्रदर्शन मिति (जेठ १० गते) नजिकिरहेको छ । यद्यपि, उनले अझै पनि यो फिल्मको प्रमोशनका लागि समय निकाल्न सकिरहेका छैनन् ।
यसैबीच, अहिले उनी फिल्म ‘रावायण’ को शूटिङमा व्यस्त छन् । तर पलका फ्यानहरुका लागि एउटा दुःखको खबर रहेको छ । फिल्म ‘रावायण’ को शूटिङको क्रममा पल घाइते भएका छन् ।
पलको हातमा ठूलो चोट लागेको छ । शूटिङ गर्ने क्रममा उनलाई उक्त चोट लागेको हो । चोट यति गहिरो छ कि त्यसमा टाँका नै लगाउनु परेको छ । टाँका लगाउँदा पलले निकै पीडा महसुस गरेका छन् । उनलाई बेडमा सुताएर टाँका लगाइँदै गरेको देखिन्छ । उनलाई चिकित्सकले नै हात समातेर साहारा दिँदै गरेको पनि देखिन्छ ।
पलले हातमा भएको चोटमा टाका लगाउँदै गरेको भिडियो शेयर गरेका छन् । उपचारपछि उनको हातमा पट्टि बाँधिएको छ ।
Published Date: 15 May 2024
