काठमाडौँ, वैशाख २१ । सरकारले सय रुपैयाँको नोटमा नेपालको नक्साको तस्बिर परिवर्तन गर्ने भएको छ । अहिलेसम्म सयको नोटमा नेपालको नक्सा पुरानै छ ।
अर्थमन्त्री वर्षमान पुनले बैंक नोटमा रहेको तस्बिर परिवर्तन गर्ने प्रस्ताव मन्त्रिपरिषदमा लगेका थिए । त्यही प्रस्ताव अनुमोदन गर्दै मन्त्री परिषद्को आजको वैठकले सयको नोटमा रहेको पुरानो नक्सा परिवर्तन गरेर चुच्चे नक्सा राख्न राष्ट्र बैंकलाई आदेश दिने निर्णय गरेको हो ।
स्मरणरहोस् भारतले आफ्नो भनि दावी गर्दै आएको नेपालको कालापानी–लिपुलेक क्षेत्र समेटेर बनाइएको चुच्चे नक्सालाई २०७७ मा संसदले अनुमोदन गरेको थियो । त्यसयता भारतीय संस्थापन पक्षले नेपालले आफ्नो भूमी मिचेको आरोप लगाउंदै आइरहेको छ ।
Published Date: 03 May 2024
