काठमाडौँ, वैशाख १७ । पूजा शर्मा स्टारर फिल्म ‘दान्भी’को नयाँ प्रदर्शन मिति तोकिएको छ । अब, यो फिल्म असारको ७ गतेबाट रिलिजमा आउने भएको छ ।
असारको ७ गते अहिलेसम्म कुनै पनि नयाँ फिल्मको प्रदर्शन मिति तोकिएको छैन । यसैले, ‘दान्भी’ले सोलो रिलिजको अवसर पाउनेछ । वितरक करण श्रेष्ठ र निर्माताहरुको छलफलपछि यो मिति तय गरिएको निर्देशक रुपेश तामाङले जानकारी दिएका छन् । यो फिल्ममा नायिका पूजा शर्मा केन्द्रिय भूमिकामा छिन् । उनको साथमा फिल्ममा नव-नायक कुन्साङ बोमजोमको मुख्य भूमिका छ ।
देव मगर र अनुप गडाल निर्माता रहेको यो फिल्मका कार्यकारी निर्माता पवन राना मगर हुन् । फिल्ममा कमला लिम्बु, पन्च बहादुर तामाङ र आदर्श पौडेल सह-निर्माताको रुपमा छन् ।
फिल्म ‘दान्भी’को टिजर गत बर्ष नै रिलिज गरिएको थियो । टिजरलाई सकारात्मक प्रतिक्रिया छ । एक्सनप्रधान यो फिल्ममा नायिका पूजा शर्माको एक्सनले चर्चा छ ।
