काठमाडौं, चैत १८ । काठमाडौं उपत्यकासहित चार प्रदेशका पहाडी भूभागमा अहिले पानी परिरहेको छ।
मौसम विज्ञान विभागका अनुसार स्थानीय वायुको प्रभावका कारण कोशी, बागमती, गण्डकी र कर्णाली प्रदेशका पहाडी भूभागमा चट्याङ्सहित वर्षा भएको हो।
विभागअन्तर्गको जल तथा मौसम पूर्वानुमान महाशाखाका मौसिमविद् गंगा नगरकोटी प्रि मनसुनको समय भएकाले साँझपख मेघ गर्जन चट्याङ्सहितको वर्षाको सम्भावना निरन्तर हुने बताउछिन् । अहिले उपत्यकाको उत्तरी क्षेत्रमा वर्षा भइरहेको छ।
उनले भनिन् ,“अहिले प्रि मनसुनको समय छ, स्थानीय वायुको प्रभावका कारण साँझपख मेघ गर्जन चट्याङ्सहित वर्षाको सम्भावना हुन्छ। ”
मधेश प्रदेश र सुदूरपश्चिम प्रदेशको मौसम भने सफा रहेको उनको भनाइ छ। लुम्बिनी प्रदेशको मौसम आंशिक बदली भएको उनको भनाइ छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
