काठमाडौं, चैत २ । डाक्टरहरुका अनुसार कोलेस्ट्रोल र बोसोको कारणले नै हाम्रो शरीरमा फ्याट बढ्छ र मुटु सम्बन्धि समस्या हुन्छ ।
घीउ र तेल दुबैमा फ्याट हुन्छ । तरकारी अथवा परौठा बनाउनका लागि प्रायः तेलको प्रयोग गरिन्छ, तर यसलाई शुद्ध घीउमा पनि बनाउन सकिन्छ ।
तेलभन्दा घीउ मंहगो हुन्छ । तर स्वास्थ्यका लागि दुबैमध्ये कुन बढी र सबैभन्दा राम्रो हुन्छ भन्ने बारेमा धेरैलाई जानकारी नहुन सक्छ ।
तेलमा अनस्याचुरेटेड फ्याट हुन्छ, जसले कोलेस्ट्रलको स्तर बढाउँछ । सूर्यमूखीको तेल, अन्य किसिमका बिउ, जैतूनको तेल, सेतो सरस्यूँको तेल र घीउमा अनस्याचुरेटेड फ्याट कम हुन्छ ।
आवश्यकताभन्दा बढी अनस्याचुरेटेड अथवा स्याचुरेटेड फ्याट खानाले धमनीमा बोसो जम्मा हुन थाल्छ । पुरुषले प्रति दिन ३० ग्राम र महिलाहरुले २० ग्राम फ्याटको सेवन गर्नु पर्छ ।
तेलको भूमिका
तेल भिन्दा–भिन्दै कुराले बन्छ । जस्तै बदाम, भटमान, सूर्यमुखी, तोरी, सर्स्र्यँ, जैतून आदि ।
सम्पूर्ण तेलमा पाइने न्यूट्रिएन्टस पनि भिन्दा–भिन्दै हुन्छ । कुनै फाइदाजनक हुन्छ भने कुनै हानिकारक ।
ओलिभ ओयल स्वास्थ्यका लागि उत्कष्ट मानिन्छ भने सर्स्यूँको तेल अत्यन्त खराव ।
घीउका गुण
धेरै मानिसले घीउ र तेलमध्ये एउटा रोज्नु पर्यो भने घीउ नै रोज्छन् ।
घीउ वजन घटाउन पनि सहायक हुन्छ र घीउ मेटोबोलिक रेट बढाउन पनि सहायक हुन्छ ।
घीउ कहिले पनि शरीरमा जम्मा हुँदैन, तर तेल शरीरमा जम्मा भएर कोलेस्ट्रल बढाउँछ ।
घीउमाथि गरिएको सर्वेक्षण अनुसार घीउमा रक्त र आन्द्रामा समावेश कोलेस्ट्रल कम हुन्छ । यस्तो हुनुको कारण घीउबाट बाइलरी लिपिडको स्राव बढ्छ ।
