मुम्बई, फागुन २८ । मनीषा कोइराला सञ्जय लीला भन्सालीको नयाँ सीरीज ‘हीरामण्डी’ मार्फत लामो समयपछि दर्शकमाझ आउँदैछिन् । यो सीरीज निकट भविष्यमै नेट फ्लिक्समार्फत प्रसारण हुँदैछ ।
यसैबीच, मनिषाले आफ्नो सुपरहिट फिल्म ‘१९४२ ए लभ स्टोरी’ को बारेमा एउटा नयाँ कुरा शेयर गरेकी छिन् । उनले फिल्मका निर्देशक विधु विनोद चापडाले आफूलाई ‘खराब एक्टर’ भनेको कुरा बताएकी छिन् ।
मनिषा भन्छिन् – ‘१९४२ अ लभ स्टोरी’ को क्रममा एउटा घटना भएको थियो । पहिला पटक स्क्रिप्ट अध्ययन गर्ने क्रममा म एकदम डराएकी थिएँ । त्यो देखेर विधु विनोद चोपडाले मलाई तिमी खराब कलाकार हौ भने । उनको उक्त कुरा सुनेपछि मैले उनीसंग २४ घण्टाको समय दिन अनुरोध गरेँ । त्यसका साथै त्यसपछि पनि तपाईँलाई म सहि लागिन भने म खराब कलाकार हुँ भन्ने कुरा स्वीकार गर्छु भनेँ ।’
त्यसपछि चोपडाले उनको काम देखेर उनलाई फिल्म ‘१९४२ अ लभ स्टोरी’ मा अभिनय गराउने निर्णय गरेको मनिषाले बताएकी छिन् ।
Published Date: 11 March 2024
