काठमाडौं, फागुन २८ । आज २०८० फागुन २८ गते सोमवार, तद्अनुसार ११ मार्च २०२४ । आज फागुन शुक्ल प्रतिपदा (११ः०३ बजेसम्म), ग्याल्पो ल्होसार, सूर्योदयः बिहान ६ः१७ बजे, सूर्यास्तः साँझ १८ः१० बजे ।
आजको राशिफल
मेष: बिग्रिएको काम बन्ने छ । लगानीले लाभ दिनेछ । सामाजिक कार्य गर्ने अवसर प्राप्त हुनेछ ।
वृष: धार्मिक समारोहमा भाग लिने अवसर प्राप्त हुनसक्छ । सत्सङको लाभ पाइने छ ।
मिथुन: सवारीसाधन, मेशीनरी अथवा आगोको प्रयोगमा सावधानी अपनाउनु होला । अप्रत्याशित खर्च बढ्ने छ । जोखिमपूर्ण नगर्नु होला ।
कर्कट: बोलीमा शब्दहरुको प्रयोग सोच–विचार गरेर गर्नु होला । प्रतिद्वन्दितामा कमी हुनेछ । लगानी शुभ रहने छ ।
सिंह: स्थायी सम्पत्तिको कारोबारले ठूलो लाभ दिनसक्छ । मन पर्ने रोजगार पाइने छ । आर्थिक उन्नतिको प्रयास सफल रहने छ ।
कन्या: कुनै मांगलिक कार्य आयोजना हुनसक्छ । स्वादिष्ट व्यञ्जनहरुको मज्जा लिनु हुने छ । यात्रा लाभदायक रहने छ ।
तुला: शत्रुहरु शान्त रहने छन् । व्यापार–व्यवसायमा लाभ हुनेछ । थकान तथा कमजोरी हुनसक्छ ।
वृश्चिक: बनिसकेको काममा वाधा उत्पन्न हुनेछ । थोरै प्रयासबाटै कार्यसिद्धि हुनाले प्रसन्नता रहने छ । लगानीबाट फाइदा हुनेछ ।
धनु: हतार तथा लापरवाहीबाट हानि हुनेछ । शुभ समाचार प्राप्त हुनेछ । लाभ हुनेछ ।
मकर: व्यवसायिक यात्रा लाभदायक रहने छ । आम्दानीमा वृद्धि हुनेछ । शेयर मार्केटबाट लाभ हुनेछ ।
कुम्भ: आँखालाई चोट अथवा रोगबाट बचाउनु होला । बोलीमा नियन्त्रण आवश्यक छ । सहकर्मीबाट सहयोग पाइने छैन ।
मीन: भाग्य अनुकूल छ, हतार नगर्नु होला । यात्रा मनोनुकूल रहने छ । रोकिएको धन प्राप्त हुनेछ ।
