काठमाडौँ, फागुन २७ । नायिका पूजा शर्मा स्टारर फिल्म ‘दान्भी’को प्रदर्शन मिति तय गरिएको छ । यो फिल्मलाई आउँदो बर्षको जेठ १० गतेबाट नेपालभर रिलिज गर्ने घोषणा निर्माण पक्षले गरेको छ । एक्सन फिल्म दान्भी रुपेश तामाङको डेव्यु निर्देशकिय फिल्म हो ।
जेठ १० गते बुद्ध जयन्तीको सार्वजनिक बिदा समेत भएकाले फिल्म बिहिबारबाट नै रिलिज हुनेछ । एक्सनप्रधान यो फिल्ममा नायिका पूजा शर्मा केन्द्रिय भूमिकामा छिन् । फिल्मको टिजर र पोस्टरको चर्चा छ । फिल्मको छायांकन नेपाल र भारतमा गरिएको छ ।
देव मगर, अनुप गडाल निर्माता रहेको यो फिल्ममा पवन राना मगर कार्यकारी निर्माताको रुपमा छन् । फिल्ममा कमला लिम्बु, पन्चबहादुर तामाङ र आदर्श पौडेल सह-निर्माताको रुपमा छन् । यो फिल्ममा पूजाको जोडीको रुपमा कुन्साङ बोमजमले अभिनय गरेका छन् । फिल्ममा किरण श्रेष्ठको पनि मुख्य भूमिका छ ।
पूजा पहिलो पटक ‘दान्भी’ मार्फत भूमिकामा प्रस्तुत भएकी छन् । उनी अभिनित पछिल्लो फिल्म उपहार प्रदर्शनरत छ । जहाँ उनको भूमिकालाई रुचाइएको छ ।
Published Date: 10 March 2024
