सुनको आयात ५५ प्रतिशतले घट्यो

काठमाडौँ, फागुन २१ । चालु आर्थिक वर्षको सात महिनामा सुनको आयात ५५ प्रतिशतले घटेको छ ।

बजारमा माग कम हुँदा सुनको आयातमा उल्लेख्य कमी आएको हो । भन्सार विभागको तथ्याङ्क अनुसार सात महिनामा १३ अर्ब ४७ करोड २९ लाख ३२ हजार रुपियाँको ८२१ किलो सुन आयात भएको छ ।

गत वर्ष सो अवधिमा ३१ अर्ब २७ करोड ५५ लाख रुपियाँका एक हजार २५ किलो सुन आयात भएको छ । सुनको आयात कम हुँदा राजस्व सङ्कलनमा समेत कमी आएको छ ।