भक्तपुर, फागुन १८ । भक्तपुर युवा टीमको आयोजनामा आजदेखि सुरू भएको तेश्रो भक्तपुर कप २०८० खुला फुटबल प्रतियोगिताको दुई वटा खेल आज सम्पन्न भएको छ।
शुक्रबार भक्तपुर युवा टीम र दिर्घायु फुटबल क्लबसीबीच भएको पहिलो खेलमा भक्तपुर युवा टीमले दिर्घायु फुटबल क्लबलाई २-० गोलले पराजित गर्यो। सो खेलमा म्यान अफ दि म्याच भक्तपुर युवा टीमका विक्रम नरसिंह राना घोषित भए भने उदयीमान खेलाडीका रूपमा मदन पौडेल घोषित भए।
आजै हेल्दी होम फुटबल क्लब र पाण्डुबजार फ्रेन्डशिप क्लबबीच भएको दोश्रो खेलमा २-२ गोलले बराबरी भएर पेनाल्टी सूट आउटमा पाण्डुबजार फ्रेन्डशिप क्लबले हेल्दी होम फुटबल क्लबलाई ३-४ गोलले पराजित गर्यो।
सो खेलमा म्यान अफ दि म्याच हेल्दी होम फुटबल क्लबका गोल किपर सुजन श्रेष्ठ र उदयीमान खेलाडीका रूपमा पाण्डुबजार फ्रेन्डशिप क्लबका योगेश श्रेष्ठ घोषित भए।
त्यसका साथै आज उत्कृष्ट खेलाडीले नगद पुरस्कार रू दुई हजार र उदायीमान खेलाडीले नगद पुरस्कार रू एक हजार प्राप्त गरे। भोलि तेश्रो खेल झौखेल युनाइटेड र श्रीजनानगर फूटबल क्लब र चौथौं खेल द राइजिङ्ग ग्रुप र भक्तपुर नगरपालिकाबीच हुनेछ।
