काठमाडौँ, माघ १० । वायु गुणस्तर केन्द्रको तथ्याङक अनुसार भक्तपुरमा वायुको गुणस्तर सबैभन्दा खराब अवस्थामा पुगेको जनाएको छ । केन्द्रले भक्तपुरको वायुको गुणस्तर १ सय ७९ एक्यूआइ मापन गरिएको छ ।
वायुको गुणस्तर सामान्यतया ५० एक्यूआइसम्मलाई सामान्य मानिन्छ तर नेपालको धेरै जसो शहरमा वायुको गुणस्तर १ सय ५० एक्यूआइ भन्दा माथि पुगेको छ ।
विश्व स्वास्थ्य संगठनको मापदण्डअनुसार एक्यूआई ३५ भन्दा कम हुनुपर्छ । ५० एक्यूआई सम्मलाई सामान्य मानिन्छ । त्यसभन्दा माथिको गुणस्तर एक्यूआई अस्वस्थकर हुने चिकित्सकको भनाई छ । एक्यूआई तीन सयभन्दा माथि पुगे वायु प्रदूषण घातक मानिन्छ । लामो समयसम्म पानी नपर्दा पनि मुलुकमा प्रदूषण बढेको देखिन्छ।
