काठमाडौं, माघ १५ । सुत्नाले शरीरका कोशिकाहरु आफौ रिपेयर हुन्छ । जुन मानिसलाई निद्रा लाग्दैन, उनीहरुको कोशिका ड्यामेज हुन थाल्छ र रिल्याक्स पनि हुँदैन ।
प्राय इन्सोम्नियाको कारण भिटामिन डी अथवा मेन्टल हेल्थसंग सम्बन्धित भएको मानिन्छ । तर एउटा भिटामिनको कमीले पनि राति निद्रा नलाग्नुको कारण बन्छ ।
भिटामिन बी शरीरमा विभिन्न कामहरु गराउँछ । यसका विभिन्न प्रकार छन् । जस्तै बी १, बी २ , बी ३, बी ५, बी ७ र बी १२ । यीमध्ये भिटामिन बी १२ सुत्ने सम्बन्धि कुरासंग सम्बन्धित हुन्छ । भिटामिन बी १२ को कमी हुदा निद्रा नलाग्ने समस्या पनि हुन्छ । केहि त्यस्ता लक्षण, जसले शरीरमा भिटामिन बी १२ को कमी भएको संकेत दिन्छ ।
निद्रा नलाग्नु
निद्रा नलाग्ने समस्यामाथि सर्वेक्षण गरिएको छ । जुन मानिसमा भिटामिन बी १२ को स्तर कम अथवा तल झर्छ, उनीहरुलाई इन्सोम्निया हुन्छ । भिटामिन बी १२ निद्राका लागि अत्यधिक महत्वपूर्ण हुनुको साथै सर्काडियन रिदमलाई सुधार्छ भन्ने कुरा सर्वेक्षणबाट थाहा भएको छ ।
खान मन नलाग्नु
यो पोषक तत्वको कमीले भोक लाग्दैन । त्यति मात्र नभएर शरीरमा अन्य न्यूट्रिशनको पनि कमी हुन थाल्छ । विस्तारै मसल्स पनि खुकुलो हुन थाल्छ र शरीर सुक्न थाल्छ । यस्ता मानिसमा थकान र कमजोरी छिट्टै हुने समस्या देखिन्छ ।
दिमागले काम नगर्नु
दिमागको क्षमता कम हुनु पछाडि पनि भिटामिन बी १२ को कमी हुन सक्छ । दिमागी स्वास्थ्यलाई विभिन्न समस्याले घेर्न थाल्छ । जसले गर्दा स्मरणशक्ति, प्रतिक्रिया, चेतना विस्तारै धमिलो हुन्छ । यस्ता मानिस प्राय: उदासी र एक्लोपनाको शिकार हुन्छन् ।
