काठमाडौं, माघ १२ । चालु आर्थिक वर्षको दोस्रो त्रैमाससम्म आइपुग्दा सिटिजन लाइफ इन्स्योरेन्सको खुद नाफा सामान्य बढेको छ ।
यसअवधिमा खुद नाफा २.७२% ले बढेर १२ करोड ३६ लाख ५७ हजार रुपैयाँ पुगेको छ । गत वर्षको यसैअवधिमा यसले १२ करोड ३ लाख ६६ हजार रुपैयाँ खुद नाफा आर्जन गरेको थियो ।
लगानी तथा कर्जाबाट हुने आम्दानी वृद्धि हुँदा यसको खुद नाफा बढेको हो । एक वर्षमा लगानी तथा कर्जाबाट हुने आम्दानी ५१.३५% ले बढेर ७४ करोड रुपैयाँ पुगेको छ ।
गत वर्षको यसैअवधिमा कम्पनीले लगानी तथा कर्जाबाट ४८ करोड ९४ लाख रुपैयाँ आम्दानी गरेको थियो । खुद बिमा शुल्क आर्जन ४.२३% ले बढेर २ अर्ब ५७ करोड रुपैयाँ पुगेको छ ।
पुस मसान्तसम्म आइपुग्दा चुक्ता पुँजी ३.४५% ले बढेर ३ अर्ब ७५ करोड रुपैयाँ पुगेको छ । यता, चुक्ता पुँजीअनुसार नाफा बढ्न नसक्दा प्रतिसेयर आम्दानी भने दबाबमा परेको छ । प्रतिसेयर आम्दानी ७ रुपैयाँ १६ पैसाले घटेर ६ रुपैयाँ ६ पैसामा झरेको छ ।
प्रतिसेयर नेटवर्थ १८१ रुपैयाँ १३ पैसा छ ।
