काठमाडौं, माघ ५ । वरिष्ठ गायक तथा संगीतकार योगेश वैद्यको ७७ वर्षको उमेरमा निधन भएको छ ।
लामो समयदेखि मधुमेह रोगबाट पीडित वैद्यको बिहीबार राति १२ः३० काठमाडौं भ्याली अस्पताल सुन्धारामा निधन भएको हो । वनस्पतीशास्त्रमा एमएससी गरेका वैद्यले ३३ वर्षसम्म सरकारी सेवामा बिताएका थिए । उनी २०६१ सालमा सहसचिव पदबाट अवकाश भएका थिए ।
उनका ‘सपना भुलाइ सारा’, ‘मेरो आँशुमा नहाँसे’, ‘नेपाल मेरो उपहार भो’ आदि गीतहरू लोकप्रिय छन् । उनले धेरै नेपाल भाषाका गीतहरुपनि गाएका छन् जुन निकै लोकप्रिय छन् । जिगु जिगु, जी म्ये हाला, वईबिला छ, जिमी योम्हा, ज्ञानी मेयजु लगायतका उनले गीतहरु अझै पनि दर्शकश्रोतामा कर्णप्रिय छन्।
उनको शुक्रबार पशुपति आर्यघाटमा अन्त्येष्टि गर्ने पारिवारिक स्रोतले बतायो ।
Published Date: 19 January 2024
