भक्तपुर, माघ ७। राष्ट्रपति बिद्या देवी भण्डारी र नेपाल मजदुर किसान पार्टीका अध्यक्ष्य नारायणमान बिजुक्छे बीच आज भेटवार्ता भएको छ। बिजुक्छे निवास भक्तपुर कमलविनायकमा भएको भेटवार्तामा राष्ट्रपति भण्डारीले भक्तपुर आउँदा माइती आएको जस्तो महशुस भएको बताइन् ।
भेटको क्रममा देशको शिक्षा, स्वास्थ्य, कृषिको बारेमा छलफल भएको श्रोतले जनाएको छ। राष्ट्रपति भण्डारी समक्ष अध्यक्ष्य बिजुक्छेंले नेमकिपाले सडक देखि सदन सम्म उठाउदै आएको नागरिकता विधयेक, स्वदेशमै रासायनिक मल उत्पादन गर्नुपर्ने, सरकारले जनतालाई स्वास्थ्य उपचार उचित रुपमा प्रदान गर्न नसकेको प्रति ध्यानाकर्षण गराए।
साथै अध्यक्ष्य बिजुक्छेंले भक्तपुर नगरपालिकाले कला संस्कृतिको संरक्षणमा सार्दै आएको पाईला, भक्तपुरको शिक्षा, स्वास्थ्यमा गर्दै आएको कार्यका बारेमा भण्डारीलाई जानकारी गराए। राष्ट्रपति भण्डारीले भक्तपुर नगरपालिका र नेमकिपाले गर्दै आएको योगदानबारे आफु अवगत रहेको भनी प्रशंसा ब्यक्त गरिन्।
भेटवार्तामा राष्ट्रपति भण्डारीले बिजुक्छे पत्नी शोभा प्रधानको दुखद निधन प्रति समवेदना ब्यक्त गरिन् ।
लामो समय देखि नेमकिपा अध्यक्ष्य बिजुक्छें सँग विभिन्न विषय लाई लिएर भेटघाट गर्ने इक्षा हुँदा हुँदै व्यस्तताको कारण ले भेट्न नपाएको कुरा ब्यक्त गरिन्।
उक्त भेटमा नेमकिपाका बागमती प्रदेश संसाद सुरेन्द्रराज गोसाई, सिर्जना सायाजुकाे पनि उपस्थिति रहेको थियो।
