काठमाण्डौ, माघ ८ । प्रधानमन्त्री पुष्पकमल दाहाल (प्रचण्ड)ले तामाङ लगायत हिमाली एवं आदिवासी जनजातिको राष्ट्रिय पर्व सोनाम ल्होछारको अवसरमा शुभकामना व्यक्त गरेका छन् ।
प्रधानमन्त्री दाहाले नेपालमा ऐतिहासिक एवं वैज्ञानिक महत्व वोकेको थुप्रै पर्वहरु रहेको बताउदैँ सवै जातजातिको आ–आफ्नो भिन्न भिन्न परम्परा, रीतिरिवाज र संस्कृति रहेको र यसको एकिकृत रुपनै नेपालको राष्ट्रिय संस्कृति रहको बताए । नेपाली जनताले लोकतन्त्रका लागि आन्दोल गरेपछि धर्म निरपेक्षता, समानुपातिक समावेशी संघीय लोकतान्त्रिक गणतन्त्रमा आइपुगेको र यसका लागि तामाङ घेदुङ र तामाङ राष्ट्रिय आन्दोलनले खेलेको भुमिकाको उच्च मुल्याङ्कण भएको प्रशंसा व्यक्त गरे ।
“नेपालको राष्ट्रिय संस्कृतिको एउटा कडी ल्होछार परम्परा र तामाङ संस्कृति हो । ल्होछार परम्परा विश्वकै सबैभन्दा पुरानो सांस्कृतिक परम्परा हो । मानव जातिले पशुपालन र कृषिको सुरुवात गरेदेखि नै प्रकृतिको स्वभाव र गतिको नियम पत्ता लगाउने प्रयत्न गरेको थियो । यो क्रममा चन्द्रमाको गतिको आधारमा समय गणना हुन थाल्यो”, प्रधानमन्त्रीद्वारा जारी शुभकामनामा भनिएको छ ।
प्रधानमन्त्री दाहालले सोनाम ल्होछारको अवसरमा देश–विदेशमा रहनुहुने सम्पूर्ण ल्होछारप्रेमी दिदीबहिनी, दाजुभाइ सबैलाई सुस्वास्थ्य, समृद्धि, प्रगति र समस्त मानव जगत्को कल्याणका लागि हार्दिक शुभकामना व्यक्त गरेका छन् ।
Published Date: 22 January 2023
