काठमाडौं, माघ ५। नेपाल क्रिकेट सङ्घ (क्यान) ले प्रशिक्षक पदका लागि खुला आवेदन माग गरेकोमा प्रशिक्षकका लागि पाँच जनाले अन्तर्वार्ता दिएका छन्। प्रशिक्षकका लागि अन्तर्वार्ता दिनेहरुमा भारतीय मोन्टी देशाई, नेपालकै पूर्व प्रशिक्षक देभ ह्वाटमोर श्रीलङ्का तीव्र गतिका बलर धाम्मिका प्रसाद, दक्षिण अफ्रिकी रसेल क्रेग डोमिंगो र न्युजिल्यान्डका पूर्वप्रमुख प्रशिक्षक ग्लेन पोकनल रहेको क्यानले जनाएको छ ।
अन्तर्वार्ता दिएका पाँच जनामध्येबाट अन्तिममा एक जनाको नाम केही दिनमा सार्वजनिक गरिने क्यानले जनाएको छ । क्यानमा उक्त पदको लागि २४ जनाको आवेदन परेकोमा पाँच जनाको सर्टलिस्ट गरी अन्तर्वार्ता लिएको हो ।
Published Date: 19 January 2023
