काठमाडौँ, पुस ५ । लिभरपुलले वेस्ट ह्यामलाई सजिलै ५–१ ले पराजित गर्दै बुधबार लिगकपको सेमिफाइनल यात्रा तय गरेको छ । फाइनल प्रवेशका लागि लिभरपुलले अब फुलहमको सामना गर्नेछ ।
यस जितमा कर्टिस जोन्सले दुई गोल गरे भने डोमिनिक सोबोस्लाई, कोडी गाक्पो र मोहमद सलाहले एक-एक गोल गरे । वेस्ट ह्यामका लागि जरोड बोओनले एक गोल फर्काए ।
लिभरपुलले अबको सप्ताहन्त इंग्लिस प्रिमियर लिगमा आर्सनलको सामना गर्दैछ र यो खेल जितेर अंक तालिकाको शीर्षमा जाने अवसर हुनेछ । लिगकपको अर्को सेमिफाइनलमा भने चेल्सी र मिडल्सब्रो भिड्दै छन् ।
Published Date: 21 December 2023
