काठमाडौं, मंसिर २७ । सुनको भाउ लगातार ४ दिन घटेको छ । यो ४ दिनमा सुनको भाउ २८ सय रुपैयाँले घट्न पुगेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला ३०० रुपैयाँले घटेर १ लाख १६ हजार रुपैयाँ कायम भएको छ । यसैगरी, तेजावी सुनको मूल्य तोलाको १ लाख १५ हजार ४५० रुपैयाँ निर्धारण भएको छ ।
यसअघि आइतबार, सोमबार र मंगलबार सुनको भाउ क्रमशः प्रतितोला १३ सय, ५०० र ७०० रुपैयाँले घटेको थियो । मंगलबार छापावाल सुन १ लाख १६ हजार ३०० रुपैयाँ कायम रहेको थियो ।
यसैगरी, तेजावी सुनको भाउ तोलाको १ लाख १५ हजार ७५० रुपैयाँ निर्धारण भएको थियो । आज चाँदीको भाउ पनि तोलामा १० रुपैयाँले घटेर १४ सय रुपैयाँ कायम भएको छ ।
मंगलबार चाँदीको भाउ प्रतितोला १४ सय १० रुपैयाँ कायम रहेको थियो ।
Published Date: 13 December 2023
